!!!….بڑا بھارت بنا پھرتا ہے


Zaki-ur-Rehman, Syed Salahuddin

لاہورکے مشہور چوک چوبرجی پر واقع’’مرکزالقادسیہ‘‘ جماعت الدعوہ کا فلاحی و دینی مرکز ہے،جس کا نام سن کر بھارتیوں کی ٹانگیں کانپتی ہیں،بھارتی شاید اتنے اپنے ’’بھگوان‘‘سے نہ ڈرتے ہوں جتنے اس تنظیم کے سربراہ کے نام سے خوف کھاتے ہیں،بھارت کے کسی کونے میں کسی’’ناگرک‘‘ کو چھینک بھی آجائے تو جھٹ سے ان کے نام الزام تھوپ دیا جاتا ہے۔

چوبرجی چوک پہنچیں تو سامنے ہی سیمنٹ کے بیریئر موجود ہیں ساتھ لوہے اور لکڑی کی رکاوٹیں بھی لگی ہیں،مین گیٹ پر باریش نوجوان آپ کا استقبال کرتے نظر آئیں گے،آپ کی جامع تلاشی کے بعد پوچھا جاتا ہے کہ آپ کوکس سے ملنا ہے،ایک اجنبی شخص کو ایسے لگتا ہے،جیسے وہ پاکستان نہیں کسی اور ملک میں آگیا ہو،وہاں موجود ہرشخص آپ کو مشکوک نظروں سے دیکھتا نظر آئے گا،اگر یہاں آپ کا کوئی جاننے والا ہے تو آپ کیلئے کوئی مسئلہ نہیں وگرنہ آپ کو تلاشی کے تمام مراحل سے گزرنا پڑے گا

مرکز القادسیہ کی اطراف کی گلیوں میں جماعت کے کارکن اپنی مدد آپ کے تحت سکیورٹی کے فرائض سر انجام دیتے ہیں۔ یہ کارکن پاکستان بھر سے تعلق رکھتے ہیں اور کسی سے بھی رعایت نہیں کرتے،مرکز کی نگرانی کے لیے کلوز سرکٹ کیمرے بھی نصب ہیں۔یہ تمام حفاظتی انتظامات عالمی دباؤ کے نتیجے میں کسی ناخوشگوار واقعہ سے بچنے کیلئے کیے گئے ہیں،کچھ عرصہ پہلے چوبرجی چوک سے چند گز دور قرطبہ چوک پر ایک امریکی ریمنڈ ڈیوس نے دو پاکستانیوں کو گاڑی کے نیچے کچل کرمار دیا تھا،لوگوں کا خیال ہے کہ وہ ریوڑیاں بیچنے نہیں اس مرکز کی نگرانی میں تھا اور کچھ کرنے کا سوچ رہا تھا۔بھلا ہو حکومت کا ،نان نیٹو اتحادی ہونے کے ناطے اسے بھی باعزت طریقے سے چھوڑدیا۔

افغانستان میں 1979ء میں روس کی شکست کے بعد اس مرکز میں تنظیم دعوت والارشادکی بنیاد رکھی گئی،کشمیر میں جہاد کا آغاز ہوا تو اس تنظیم نے کشمیریوں کی کھل کر حمایت کی،صرف حمایت ہی نہیں افرادی قوت بھی فراہم کی،امریکہ میں نائن الیون واقعہ کے بعد جہاں پوری دنیا کے مسلمانوں کو طرح طرح سے نشانہ بنایا گیا تو یہ تنظیم بھی پابندیوں سے نہ بچ سکی،اس واقعہ کے بعد یہ دعوت والارشاد سے جماعت الدعوہ بن گئی،اس جماعت کے لیڈروں کا کہنا ہے کہ ہمارا لشکر طیبہ سے کوئی تعلق نہیں،ہم پاکستانی ریاست کے قانون کے دائرہ میں رہتے ہوئے انسانیت کی فلاح کیلئے کام کرتے ہیں،سوال یہ ہے کہ اگریہ تنظیم عسکری کارروائیوں سے انکاری ہے تو بھارت اور امریکہ کو کیا تکلیف ہے۔۔ٖ؟

اس تنظیم کے ارکان آئی ایس آئی ایس(داعش)،القائدہ اور بوکو حرام کو تکفیریوں کا گروہ قرار دیتے ہیں،ان کا خیال ہے کہ یہ سب مغرب اور ان کے امام امریکہ کے تیار کردہ سپاہی ہیں جو اسلام کا چہرہ مسخ کرنے اور مسلمانوں کو دہشتگرد قرار دینے کیلئے وجود میں لائے گئے ہیں،امریکہ ان کو پروموٹ بھی کرتا ہے اور ان سے انسانوں کو ذبح بھی کرواتا ہے،تکفیری مسلمانوں کو دائرہ اسلام سے خارج سمجھتے ہیں،اس لئے مسلمانوں کی نشانیوں(مزارات)کو مٹایا جارہا ہے،بچوں،عورتوں اور جوانوں کو مار کر مسلمانوں کی نسل کشی کی جارہی ہے۔

بھارت بارے ان کا خیال ہے کہ ممبئی حملوں کو بنیاد بنا کر جہاد کشمیر کو نقصان پہنچانے کی کوشش کی گئی،اجمل قصاب جیسے فرضی کردار کے ذریعے ڈرامے میں دلچسپی پیدا کی،ذکی الرحمٰن لکھوی کو ماسٹر مائنڈ کا نام دیا،جن کیخلاف کوئی ثبوت بھی نہیں،پاکستانی عدالت بھی اسے بے گناہ قرار دے چکی ہے،لشکر طیبہ تو کشمیریوں کی تنظیم ہے،جسے مقبوضہ کشمیر سے ہی کنٹرول کیا جاتا ہے،کشمیر میں ہی تربیت پاتے ہیں،پاکستان یا جماعت الدعوہ سے تعلق جوڑنا اپنے گناہوں سے بھارت کا چشم پوشی اختیار کرنے کے مترادف ہے۔

بھارت نے ایک بار پھر2008 کے ممبئی حملوں میں لکھوی کے مبینہ کردار کے بارے کہا ہے کہ پاکستانی حکومت لکھوی کی رہائی اور نطر بندی ختم کرنے کیخلاف اعلٰی عدالت میں جائے اور کسی بھی صورت لکھوی کو جیل سے باہر نہ آنے دیا جائے، نئی دہلی میں وزیر مملکت برائے داخلہ امور کرن رجیجو نے الزام عائد کیا ہے کہ ممبئی حملوں میں لکھوی کے ملوث ہونے سے متعلق تمام دستاویزات پاکستانی کورٹ میں پیش نہیں کی گئیں۔ اسی لیے عدالت نے رہائی کا حکم دیا ہے۔بھارتی سورمے بھولے ہیں یا پھر ضدی ہیں،ان کو پتہ ہے کہ لکھوی کیخلاف کوئی ثبوت نہیں پھر بھی دباؤ ڈالتے ہیں کہ مجرم ہیں،بھارت کے اپنے ہی لوگ بار بار اقرار کرچکے ہیں کہ یہ سب را کا ہی کیا دھرا ہے،را ہی نے سب کچھ کروایا ہے تو پھر شور کا ہے کا!

بھارتی ایک چھوٹی سی تنظیم کے چھوٹے سے بندے سے اتنا خوف کھا رہے ہیں تو پاکستانی فوج کا مقابلہ کیسے کرپائینگے جو شیروں کی طرح دھاڑتے،شاہینوں کی طرح جھپٹتے اور عقابوں کی مانند نوچتے ہیں،جو ان دیکھے دشمن کو خاک چٹا چکے ہیں،جو خارجیوں کیلئے پہاڑوں کو قبرستان بنا چکے،اب تو ان کے پاس براق ڈرون،لیزر گائیڈڈ بم اور نہ دکھنے والا شاہین میزائل بھی ہے،بھارت کے پاس سو ایٹمی ہتھیار ہیں تو پاکستان کے پاس ایک سو بیس ہیں،یہ پاکستان کی توہین ہے کہ اس کا ہمسایہ اتنا بزدل ہے،شیر بنو ! دنیا ہمیں کیا کہے گی کہ بڑا پاکستان بنا پھرتا ہے بچوں سے جو لڑتا ہے۔

Advertisements

One thought on “!!!….بڑا بھارت بنا پھرتا ہے

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ لاگ آؤٹ / تبدیل کریں )

Connecting to %s